تجارب من طلاب انقبلوا

الدورة الصراحه كانت جداً مفيدة خصوصاً فالرياضيات الي كنت اواجه صعوبه فيه بكل امانة، ومختصرة بشكل جميل وواضح

وايضاً فالانجليزي استفدت معلومات فادتني فالاختبار بشكل كبير

وهاذا انا اللهم لك الحمد ادرس حالياً ف ارامكو ITC. كل الشكر والتقدير

الدورة كانت ممتازه بس انا خديتها في وقت قصير قبل الاختبار ب خمس ايام، لكن انا خريج كلية فا كنت احتاج مصدر مرتب للمواضيع حق اسوي ريفرش سريع وكانت دورتك ممتازه

الدورة مرا حلوه بس تحتاج أكثر من ٥ أيام للي مستواه شوي مبتدئ

والحمدلله انقبلت في الITC

اول شيء انا كنت ضايع، حجزت الاختبار ما ادري وين اروح وش توجهي من وين ابدا. بحثت بحث بسيط طلع لي مقطع من مقاطع فارس وكان سعر الدوره مناسب و شكلها مرتب.

اشتريت الدوره وبديت قبل الاختبار باسبوعين تقريباً. عشان اكون صادق، انا شخص كويس في الرياضيات والانجليزي، كانت اسبوعين كافيه وزياده اني ادخل جاهز 100% للاختبار.

دخلت الاختبار ومثل ما توقعت اللي ذاكرته جاتني نفس الافكار اللي في دورة فارس. اخذت وقت الاختبار كامل واعطيته حقه. بعض الاسئله تبان صعبه لكن اذا فهمت الفكره وعطيتها وقتها تسهل عليك. طلعت من الاختبار وانا عارف اني انقبلت وكنت مرتاح جداً الحمدلله. اشكرك اخوي فارس واشكر كل من ساهم في تحسين هذي الدوره.

والحمدلله بالفعل انقبلت واول ما جتني الرساله بشرت الاهل كلهم والكل فرح بالخبر. رسالتي الاخيره هي، اذا عطيت الشيء حقه بيرد لك اللي يسرك، اجتهد. (ان الله لا يضيع اجر من احسن عملاً) هذي خلها قاعده عندك، وشكراً.

اول ما سجلت في الدورة اخترت جدول الاسبوعين، وكانت طريقتي في المذاكرة اني اتابع مقطعين أو ثلاثة من مقاطع الرياضيات

واسجل المعلومات المهمة في دفتر (قوانين، قواعد مهمة، ملاحظات) وبعد ما اخلص ادخل على ملف الأسئلة وابدأ احل واتدرب على الأسئلة عشان تثبت المعلومة. واليوم اللي بعده اسوي مراجعة بسيطة لدروس امس وبعدها ابدأ بدروس اليوم

بالنسبة للإنقليزي بس اخذت نظرة سريعة لأن مستواي زين في الإنقليزي الحمدلله. ما عندي طريقة كيف قدرت اطور مستواي زي كذا، بس من وانا صغير كنت العب العاب واشوف مقاطع واشوي اشوي بديت اتعلم لين وصلت للمستوى اللي انا فيه الحمدلله

بسبب هالشي قسم الإنقليزي في الإختبار حسيته حييل سهل. متأكد اني جبت فيه كامل، والحمدلله ابشرك انقبلت في الITC

صراحه اني ما اذكر وين شفت اعلان الدوره، وانا من الناس صراحه الي عانيت مع ارامكو واختبارهم، وطاحت عيني صدفه على دوره فارس وتوكلت على الله. وانا حتى رساله الاختبار ماجاتني ولا كنت متاكد من القبول بس كان الوقت قليل وتوكلت على الله ويسر ربي

وجاني الاختبار، صح اني ما اعطيته الدوره حقها من ناحيه وقت بس حاولت اخذ منها قدر المستطاع ولله الحمد قدرت اعدي الاختبار. وقد ما اشكر فارس على الدوره الي بفتره بسيطه خلتني بعد الله اعدي الاختبار ما اوفيه حقه، اشوف له الفضل فيها جزاه الله خير. وبحكم كثر الرفض من ارامكو ماكنت متوقع القبول والحمدلله كانت صدمه حلوه بالنسبه لي ولحظه ما انساها. وأشكر فارس مره ثانيه والله يجزاه خير لسهوله الشرح وطريقه توصيله للمعلومه.

السلام عليكم ورحمة الله وبركاته، انا طالب ITC حاليًا، لكن قبل ذلك كنت ادرس لاختبار قبول ارامكو وحرفيًا كنت ضايع وما اعرف وين ابدا وكيف ابدا والترتيب بالضبط كيف. الين ما شفت مقطع لفارس الغامدي بمنصة التيك توك يشرح والصراحة فهمت منه مرره وقررت اشترك بدورته لطلاب الـITC والحمدلله اني اشتركت

لان فعلًا شرح حلو وسهل الفهم واكثر الدروس اللي درستها جاتني بالاختبار والحمدلله بفضل الله ثم دورة فارس انقبلت

وانصحكم مرره فيها وحاب اقول شكرًا لك يا فارس على الدورة الجميلة والشرح الاجمل.

قبل الاختبار بـ3 أسابيع تقريبًا بديت أحضر من دورة فارس. خطتي كانت اني أركز على الأساسيات في الانجليزي والرياضيات وبعد ماخلصت من الاساسيات تدربت عليها بشكل مكثف عشان ما انساها، تقريبا ٣-٤ ساعات يومياً.

بانسبة للإنجليزي كنت عارف القواعد من قبل بس راجعتها وركزت نقطه ضعفي والا هي الفوكاب بشكل كبير، وانقبلت الحمدلله في الITC

والله اشتركت بدورة فارس وكنت شوي ضعيف بالرياضيات و الانقليزي وخايف من الاختبار لكن الحمد لله، مع دورة فارس، كل شيء بدأ يتغير.

يوم دخلت الدورة قعدت حوالي شهرين الى ٣ شهور وانا اذاكر فترة مستمرة، وما قصرت يا فارس كل الدروس مشروحة وواضحة ما تعبت عشان افهم من الشرح او عشان ادور معلومة. ويوم خلصت الاختبار اول ما استلمت العقد كانت فرحة كبيرة

أنا الحين قريب أتخرج، وكل يوم أدعي لك يا فارس. الله يعطيك العافية ويجزاك خير على مجهودك

الITC كنت ناويه من الثانوي، الصدق بس اني كنت ضايع ولا اعرف وش المواضيع اللي بتكون في الاختبار، كل شخص يجيب شي من عنده. ولكن قررت اشترك بدورة فارس شامله كل المواضيع واعتمدت عليها اعتماد كامل والحمدلله ربي وفقني

مستواي بالانجليزي كان كويس بس المشكله كانت في الرياضيات اللي ما كنت اعرف منه شي، بس اول ما طلعت من الاختبار كنت واثق من حلي لان الاختبار كان من الدروس اللي شرحتها وماحسيت ان جاء شي في الاختبار وكان جديد علي لا بالرياضيات ولا بالانجليزي، والحمدلله انقبلت في الITC

قدمت على الITC و ما كان عندي اي خلفيه عن الاختبار، و ربي كتب لي اني اطيح في دورة فارس و الحمد لله اني سجلت فيها.

الشرح كان واضح و جميل سواء كان للانقليزي او الرياضيات، و اي تحديث للاختبار كان فيه شرح له و تغطيه له. الأستاذ فارس كان يغطي كل شيء بشرح كامل وتفصيلي.

انقبلت ولله الحمد و لي الآن 8 شهور من يوم انقبلت. الله يوفق الجميع و يكتب الخير لمن قدم على البرنامج

بالنسبة لي انا كنت أدور دورة سعرها معقول ولقيت دورة الأخ فارس بسعر مناسب جدا وقررت اشترك فيها والحمد لله كان قراري صح

وقتي كان ضيق جدًا، ما كان باقي إلا شهر واحد فقط على الاختبار. لكن الحمد لله، تنظيم الدورة ووضوح الشروحات ساعدوني كثير. تابعت الخطة اللي حطها الأخ فارس، وكل شيء كان مرتب وسهل المتابعة.

بالنسبة للإنجليزي، كنت الحمد لله جيد فيه، لكن الرياضيات كانت مشكلتي الأساسية. اعتمدت بالكامل على شرح الدورة في الرياضيات والحمد لله ربي يسر لي وانقبلت في البرنامج.

طلع لي مقطع فارس وهو يتكلم عن التدرج الوظيفي لارامكو وتوكلت على الله واشتريت الدوره وكان افضل قرار، لان شرحك مفهوم ومفصل وتشرح القوانين (فيه مدرسين يحفظونك القانون بدال لا تفهمه) وهذي ميزه فيك فادتني جدا

اما للانقليزي ماكنت اذاكر له لان مستواي متوسط، لكن اي شي استصعبه في التجميعات للانقليزي كنت اشوف شرح له وافهمه

وجاء وقت الاختبار وكان سهل وبسيط وكله بفضل الله ثم شرحك للتجميعات، وبعد بالتسريبات لحقت علينا وقلت انهم اضافو درس جديد للدوال المثلثيه وهذي جتني بالاختبار

وبعدها ب ١٢ يوم من الانتظار جتني رسالة الفحص الحمدلله، و انقبلت بالدفعه الاولى وكنت مبسوط وفرحان. يعطيك الف عافية على مجهودك ودورتك اللي كانت السبب بعد الله في هذا القبول.

أشتركت في دورة فارس وهذي كانت طريقة مذاكرتي: بالنسبة للرياضيات كنت أفتح المقطع وأحل السؤال قبل ما تحله أنت وإذا طلع غلط أكمل المقطع و أشوف وش غلطي. ذي أفضل طريقة تحل فيها الرياضيات.

وبالنسبة للتجميعات ولله العظيم مافي اهم من التجميعات اللي انت حاطهم وبالأحرى اللي مسميهم «تجميعات ارامكو الي في الموقع» لكن محد يتكلم عنها. تخيلوا بعض الاسألة جتني نسخ لصق بالأرقام حتى!! و ٧٠٪ من الاختبار كان منها + تدربت على التسريبات الي ينزلها فارس وجت منها كثير نفس الصيغة.

بالنسبة للإنجليزي الحمدلله مستواي فيه ممتاز جداً فا ما شفت ولا مقطع بس ركزت على التسريبات.

صراحة كنت فرحان جداً بالقبول مو علشان نفسي، كان علشان امي و ابوي ابي أسعدهم. وفي النهاية احب اقول الله يجزاه خير فارس على الشرح والامانه الي عنده ونعم الرجل

تجربتي كانت تجربة ممتعه في دورة فارس، منها استفدت في الرياضيات وطورت اللغة الانقليزية حقتي وزادت فرصتي في القبول مع انه كان في ضيق بالوقت

مادخلت الدوره الا قبل الاختبار باسبوع واحد، بس مع كذا قدرت اني اخلصها كامله من ناحية الرياضيات والحمدلله. شهرين ونزلي القبول والحين باقيلي ٦ شهور واتخرج، والله يوفقنا ويوفقكم جميع

الانجليزي سهل الى حد ما بس حاول تركز على الرياضيات

في البداية ما كنت معطي الموضوع اهمية لاني ما كنت متوقع صراحة وقت التقديم انه بتجيني رسالة الاختبار، فكنت فقط احاول تحسين اللغة سواء بالقراءة او اني اسمع لبودكاست. ولكن جاتني رسالة الاختبار وما كنت صراحة مستعد له ابدا، وكنت ابحث عن دورة او اي حاجة استعد فيها

والحمدلله انه عيني طاحت على دورة استاذ فارس. كان الوقت ضيق بشكل مو طبيعي يعني كان عندي تقريبا اسبوعين فقط استعد للاختبار، ولكن دورة استاذ فارس ساعدتني بشكل وبالاخص الرياضيات. يعني انا عن نفسي الدرس ما اعيده اكثر من مرة لاني افهم من شرحه وبسهوله، وترتيبه للمقاطع ايضا.

وبرضو فارس ما يقصر معاك لاخر يوم قبل الاختبار، يشرح تجميعات ويعطيك تسريبات واذا ما فهمت شي او عندك سؤال عن شي ما فهمت تكلمه ومراح يقصر معك ان شاءالله. هذي من اهم الاشياء في الدورة.

وهذي في النهاية من منظوري الشخصي ولكن في الاول والاخير لولا الله ثم استاذ فارس ما كنت بنجح في الاختبار وانقبل في الITC. شكر خاص لاستاذ فارس

السلام عليكم انا احد الطلاب المقبولين

بدت رحلتي في البحث عن مصادر لمذاكرة هذا الاختبار في بداية عام ٢٠٢٥ و صراحة محتوى دورة فارس لفت انتباهي لانها شاملة الرياضيات و الانجليزي

و اشتركت فيها و صراحة كان هذا القرار من افضل القرارات اللي اخذتها فالمذاكرة مره عجبني شرحه بسيط و سهل فهمه و في نفس الوقت شامل. انا لغتي الانجليزية كانت جيدة لكن المصادر الموجودة في الدورة أعطتني فكره ممتازة عن طريقة قسم الانجليزي في الاختبار

و بالنسبة لقسم الرياضيات فلاحظت تحسن كبير في مستواي و جلست اذاكر لين جا موعد الاختبار و الحمدلله الاختبار كان سهل و الصعب فيه كان ممتع مو صعب كثير

و جا وقت الانتظار و هذي كانت اصعب مرحلة، مع انها كانت اقل من ٢٠ يوم الا اني حسيت انها كانت شهور. وفجاة تجيني رسالة القبول و فرحت فرح ما فرحتها من قبل، حسيت ان تعب الشهور اللي فاتت كلها كان يسوى

السلام عليكم ورحمة الله وبركاته، أنا يوسف، أحد المقبولين في برنامج ابتعاث أرامكو، وحاب أشارك تجربتي باختصار.

أول ما عرفت عن اختبار أرامكو بدأت أدور مصدر يناسبني لكن اللي لاحظته إنه واجد مصادر كانت غالية. لما شفت دورة فارس أعجبني أسلوبه وسعر الدورة مناسبني، وقررت أركز على مصدر واحد بدل ما أضيع وقتي بين تجميعات ومصادر كثيرة. اشتركت في دورة فارس والحمدلله ما ندمت أبدًا، واخترت أذاكر فقط قسم الرياضيات، لأني ما كنت محتاج أذاكر إنجليزي بما إن مستواي متقدم، لكن واضح إنه قسم الانجليزي في الدورة كان ممتاز.

اللي أعجبني في الدورة إن الأسئلة مو سهلة، تتحدى تفكيرك، وتجهزك فعلًا للاختبار. بعد كل درس كنت أحل الأسئلة مباشرة، وإذا فيه شي ما فهمته أرجع للشرح وأكرر لين أستوعب. طريقة فارس تضمن إنك ما تحفظ، بل تفهم وتتعلم كيف تحل وهذا اللي تبغاه للاختبار.

بصراحة، أسئلة الرياضيات في اختبار أرامكو كانت مشابهة اللي تدربت عليه. كان فيها أفكار جديدة صحيح لكنها ما طلعت عن دورة فارس، خاصة إنه اختبار الدفعة اللي أنا فيها كان متغير في قسم الرياضيات، لكن عرفت أحل أغلب الأسئلة بسهولة لأني تدربت على أسئلة واجد، وبعضها نسخ لصق من تمارين الدورة. وهذا فرق معي كثير، ما حسيت بغرابة أو مفاجآت وقت الاختبار.

أنصح أي شخص جاد بالدورة، بشرط يحل التمارين بجد، لأنه الاكتفاء بالتأسيس فقط ما يكفي لأنه أرامكو يجيبوا أفكار جديدة كل سنة. ضروري التدريب على أكبر كم من الأسئلة اللي تقدر عليه والتعب ما يضيع إن شاء الله. والحمدلله، انقبلت. والجيات أكثر إن شاء الله.

السلام عليكم ورحمة الله وبركاته، أنا الماس ولله الحمد من مرشحي برنامج أرامكو للابتعاث ضمن دفعة CPP’26.

طبعًا من ناحية تجربتي مع المذاكرة والتجهيز للاختبار، صراحةً أحس إن نموذج دراستي ما كان مثالي لأني اختبرت يمكن خمسة اختبارات فنفس فترة اختبار CPP (من ضمنها اختبارات AP)، عشان كذا أنصح أي طالب من الدفعات القادمة إنه يشد حيله أكثر مني ويضمن نفسه ودراسته ولا يتشتت في المصادر.

مع ذلك، حاولت أتجهز وألم بالأفكار الي ضمن الاختبار قد ما أقدر فذيك الفترة ولله الحمد عدت الأمور على خير، وهذا غالبًا من فضل الله ثم دورة فارس.

أول شيء لقسم الرياضيات، كنت بالبداية صدق متقروشة لأن ما كان عندي وقت فسكبت المواضيع السهلة (بالنسبة لي) وركزت عالصعبة، ومع ذلك حسيت إن فارس بسط الأفكار. والي ساعدني أكثر شيء إنه كانت في تدريبات كثييرة ضمن الدروس وحتى ملفات إضافية. صراحةً، أشوف إن ذا الشيء هو أكبر عامل أدى لفهمي وإلمامي لقسم الرياضيات.

أما لقسم الانجليزي، فصراحةً ما ذاكرت مرا لأن مدرستي تقدم تقريبًا كل المناهج حقتنا بالانجليزي، فما حسيت إني أحتاج تدريب والحمدلله ما كان الاختبار صعب - أغلبه كان يركز على فهم معاني الكلمات، وقواعد النحو (grammar)، وفهم النصوص وبس.

وهذي كانت تجربتي. جعل الله ييسر لكل من يتمنى الابتعاث ويجعل فاله التوفيق، وصح إنها بتكون فترة ضغط لكن والله إنها بتهون بحول الله وما راح يكون مكتوب من نصيبكم إلا الخير بإذن الله، فكثرواااا من الدعاء ولا تقلقلوا أبد

السلام عليكم ورحمة الله، حبيت أشارك تجربتي مع الدورة اللي فعلًا كانت نقطة تحول بالنسبة لي في الاستعداد لاختبار أرامكو.

أنا من النوع اللي يحب يرتب وقته ويذاكر بس أحيانًا ما أعرف من وين أبدأ أو كيف أوصل للمعلومة بشكل سريع وفعّال، وهنا كانت فايدة الدورة.

المحتوى كان جدًا مرتب، والشرح واضح ومباشر، ما فيه لف ودوران، وفوق كذا الأسئلة كانت تغطي كل الأفكار اللي ممكن تجي، وهذا ساعدني أكتشف أخطائي وأعدلها من بدري.

الشي اللي أعجبني أكثر إنك مو بس تشرح وتخلص، لا، كنت متواجد للرد على أي استفسار أو توضيح، وهذا فرق معي كثير، خلاني أحس إني مو لحالي.

الحمد لله جبت درجة حلوة وانقبلت، وكل هذا بفضل الله ثم بفضل الدورة اللي فعلًا علمتني كيف أذاكر بذكاء مو بس بتعب.

أنصح فيها أي أحد ناوي يختبر، لأنها بتختصر عليه وقت وجهد كبير. يعطيك العافية وما قصرت أبدًا، والله يجزاك خير على تعبك معنا

الحمدلله أولا، كانت لحظة قبولي في البرنامج من أجمل اللحظات، شعور الإنجاز اللي ما راح هدر كان لا يوصف. بدايتي كانت بسيطة جدًا. ما كنت شايلة هم الانجليزي (لأنه كان عندي خلفية من أول) قد ما كنت شايلة هم الرياضيات، فقررت أبدأ أتدرب من بدري.

سجلت في دورة تدريب فارس وكانت من أفضل القرارات اللي أخذتها. خلال هذه الفترة كنت أحل رياضيات مره كثير ولو في فكرة وقفت عندها كنت أرجع وأراجع فيديوهات حل الأسئلة. الصراحة يمكن أهم شي كان الاستمرارية في التدريب والحل.

ولما جت رسالة القبول كانت لحظة غير متوقعة.

أتمنى أي شخص يفكر يقدم على برنامج ابتعاث أرامكو ياخذ الخطوة بجدية. وتذكروا أنه الموضوع مو مستحيل ولكن يحتاج شوية سعي من جهتكم. وآخرًا، الله يكتبلكم اللي فيه الخير وبالتوفيق للجميع.

السلام عليكم و رحمة الله و بركاته، اخوكم هاشم احد المقبولين و لله الحمد، و بعد الله و توفيقه دورة فارس هي الي ساعدتني اني أوصل لهدفي و الحمدلله

طبعاً، دام انك قاعد تقرأ التجارب فكذا اعرف انك حريص و حاب تختار الأفضل بين الخيارات الموجودة. أنا حاب أطمنك ان دورة فارس ماشاءالله تبارك الله كافية و بزيادة. الصراحة تتميز فيها بالترتيب و التنسيق الي يخلي الأفكار تتسهل ان شاء الله. غير عن الاختبارات المحاكية و قروب الدعم إلى اخره، و ميزة ثانية هي خاصية البوت... ارهب خاصية بدون مبالغة، هذا و هي لسا كانت قيد التطوير و لكن مفيدة مفيدة مفيدة جدا خلتني اعرف نقاط ضعفي و اركز على ايش و اقلل من ايش. التجميعات طبعا افضل و احدث التجميعات، تغطي الأفكار اللي جاتني فالاختبار.

في نهاية المطاف حاب اقول ان الدورة اختيار ممتاز للي حاب يوصل لهدفه الأكاديمي. و بإذن الله نشوفكم معنا فالدفعات الجاية.

بسم الله والصلاة والسلام على رسول الله اما بعد ابكتب تجربتي وان شاء الله تفيدكم، اذكر الله (ماشاء الله تبارك الله)

بديت مع بداية ثالث. بديت بماث 001 وكنت أطور إنجليزيتي وطولت شوي على ماث 001 لأني كنت عجاز شوي ثم قضيت ماث 001 تقريبا بنص نوفمبر ثم اختبرت مبكر المحاولة الأولى بدون ماذاكر وجبت العيد بالمبكر المحاولة الأولى ثم شديت للمبكر المحاولة الثانية وسحبت شوي على السبب ثم اختبرت ستيب عشان قبول البترول وطورني الستيب بالقرامر بشكل كبير لدرجة انه فادني بالسبب ثم تخاذلت لمدة تقريبا حول الشهر ثم رجعت بنص يناير بديت بماث 002 واطور إنجليزيتي بنفس الوقت ثم قضيت ماث 002 بنهاية فبراير.

وهنا اللهم لك الحمد والشكر ييسر لي الله وبديت اشد صدق. طبعا يوم انتهيت ماث البترول كان أساسي جدا قوي الحمدلله ثم بديت اخش بالدورات حقت سبب.

اول شي شريت دورة إياد وفارس. أياد كانت للماث وفادتني بشكل ملحوظ اما فارس كانت للإنجليزي وفادتني بشكل كبير. وكنت استخدم دورة فارس للماث بعض الأحيان احل التجميعات والتدريبات حقت الدروس. ثم شريت (دورة) الممتاز (مب الملزمة) فيها تجميعات جدا حلوه ثم بديت أي ملف أشوفه بالتيلي احله سواء ماث أو انجلش وراجعت قوانين التحصيلي حقت الماث ثم اختبرت والحمدلله الحين اكتب تجربتي لكم بعد القبول.

طبعا تجربتي تفرق عن اغلب الطلاب وكل واحد يدرس المصادر الي يرتاح له ويفهم بسرعه واهم شي تغطي مواضيع السبب و لاتنسى راجع ماث التحصيلي بعض الأحيان تجي قوانين من حق التحصيلي. بس أتمنى أفدتكم وان شاء الله نشوفكم زملاء.

اولاً أنا كنت من بداية مسيرتي في الثانوي وانا اطمح للابتعاث فا لما سمعت عن برنامج أرامكو تحمست على التقديم.

علمتني وحده من صديقاتي عن دورة فارس و نصحتني فيها و على طول بنفس اليوم سجلت و بديت دراسة، ولكن مع الأسف ان ما بديت مذاكره إلا قبل الاختبار بشهر، ولكن اتّبعت جدول فارس الشهري مع تعديل بسيط.

اكثر شي ركزت عليه كان الرياضيات لاني اشتغلت على الانجليزي من زمان وكان الرياضيات أزمة عندي. كنت اذاكر يوميا اقل شي ٤ ساعات مكثفة وركزت على الفهم اكثر من حل الاسئلة و التجميعات.

قبل الاختبار بأسبوع ركزت جدا على الدراسة و كنت مخلصة كل الدروس و ركزت على التجميعات و دورت اسئلة لكل درس واجهت فيه صعوبة.

وطلع قبولي ولله الحمد في طريقي لاختبار التحصيلي الاول و كانت لحظه فرحة و فخر خصوصا ان التحصيلي كان مسبب لي توتر.

و بذلك وصلت للنقطة اللي كنت اطمح لها من بداية الثانوي، وقدرت بقدرة الله اني أحقق حلمي في الابتعاث و الدراسة في خارج المملكة.

الطريق ما كان سهل أبدا، لكن النجاح الحقيقي أبدا ما يتحقق بدون تعب والله يوفقكم جميعا. أنا أشكرك على دورتك لان بفضل الله ثم دورتك ما كان انقبلت.

أول شي أنا بديت في الدوره متأخر شوي، لأني كنت أحاول أوازن بين التحصيلي والمدرسة فما مداني أخلص محتوى الدورة تمامًا قبل الإختبار لكن الحمدله إنقبلت بالنهاية.

بكل أمانة دخلت الإختبار وشفت الأفكار ما خرجت أبدًا عن محتوى الدوره، تقسيم الدروس وترتيبها كان مرة حلو سواءً الماث أو الإنجلش، وأحلى شي إن فيه جداول مصممه حسب المده إللي تناسبك وهذا مرة ساعدني أرتب أفكاري وأنجز أسرع.

ما أبغا أبالغ لكن لولا الله ثم هذي الدوره كان ما قدرت أحل زين، لأن أفكار الإختبار مقارنة بالتحصيلي مثلًا شوي أصعب وتلف وتدور وتحتاج تدريب عشان الواحد يتعود على طريقة حلها. ركزت على الماث أكثر لأنه يعتبر أصعب بالنسبة لي مقارنة بالإنجليزي.

بسم الله الرحمن الرحيم، السلام عليكم ورحمة الله وبركاته. ولله الحمد والفضل انقبلت في برنامج ارامكو للابتعاث الخارجي.

كيف عرفت عن البرنامج: أول مرة أسمع عنه كان ثاني ثانوي لما جونا ٣ طلاب متخرجين من نفس مدرستي وسووا لنا عرض تعريفي.

الرياضيات: الحمد الله أنا تأسيسي قوي مقفل في القدرات بدرجة 100 من بداية ثالث فالرياضيات كان بالنسبة لي متوسط إلى سهل. طريقتي كانت إني أشوف مقطع شرح للدرس وبعدها أروح أحل الأسئلة عليه، بعدها اعتمدت على دورة فارس.

قسم الإنجليزي: مستواي بالإنجليزي أساساً كان جيد، درجتي في اختبار ستيب 80 فما احتجت أطور نفسي من الصفر. اللي سويته إني حليت كل أسئلة الإنجليزي اللي في دورة الأستاذ فارس وعشان أرفع مستواي أكثر تدربت على أسئلة من اختبار التوفل.

تنظيم الوقت للمذاكرة: فترة مذاكرتي كلها كانت تقريبا شهر ونص بمعدل ٤ ساعات في اليوم. طبعا نظامي كان إني أسحب على شرح المدرسة بس بدون ما أغيب ولا يوم، كنت أستغل وقت الحصص وأقعد أذاكر لاختبار ارامكو أو أراجع تجميعات التحصيلي.

كيف كان الاختبار: صراحة الاختبار كان تافه وأسهل بكثير من اللي ذاكرته وتدربت عليه بالرياضيات يمكن عندي غلط واحد بس، والإنجليزي ما أتوقع إني غلطت أبدا ولله الحمد.

نصيحتي للدفعة الجاية: حلوا التجميعات اللي في دورة فارس قد ما تقدرون، مرتين على الأقل كل ما زدت أكثر كان أحسن عشان تثبت الأفكار. انتبهوا ما تتهاونون بأي قسم، الرياضيات والإنجليزي كلهم مهمين وأعرف ناس كثير انرفضوا بس عشان الإنجليزي. فلو لغتك يبغى لها شغل ابدأ حسّنها من اليوم وفي أسرع وقت.

بالتوفيق لكم جميعاً فالك القبول وتعيشون نفس الفرحة يارب. أراد الله بنا وبكم خيراً، والسلام عليكم ورحمة الله وبركاته.

السلام عليكم انا هديل تخصصي محاسبة وبكتب تجربتي في اختبار أرامكو من استعدادي للاختبار إلى يوم الاختبار.

أولا انا ذاكرت اغلب المصادر الي موجودة (ما اعرف إذا فيه مصادر مختلفة أو جديدة الان) لكن لو أقدر ارجع بالزمن بختار اني ما اذاكرها كلها لأن كثرة المصادر شتتني وأخذت وقت كثير فممكن نصيحتي الاولى لكم انو تركزوا على فهم المواضيع اول لقسم الرياضيات من شخص تفهموا عليه بعدين تبدأوا تحلوا لا تكثروا المصادر.

بالنسبة لي شرح فارس كان مرة مفصل وشامل لكل حاجة وكان يعطي اكثر من طريقة للحل عشان كذا صار اسهل علي لان لو نسيت طريقة بقدر احل السؤال بطريقة ثانية او لو فيه سؤال لازم استخدم له طريقة معينة. بعد كل درس كنت احل الملف أول ولو فيه سؤال ماعرفت احله كنت اشوف حل فارس وبعدين ارجع احله من جديد عشان ما اخسر وقت وانا اطالع الفيديو كامل. بعد ما خلصت كل الدروس حليت التجميعات والمصادر الإضافية لكن لو ماسمح لكم الوقت تحلوها عادي لان كثير ماخلصوها كلها او ماحلوها وانقبلوا لكن اهم حاجة انكم تحلوا الملفات والاسئلة الي تجي مع كل فيديو لان غالبا الأسئلة هذي تكون صعبة وكافية عشان تشرح الفكرة وتخليكم تفكروا كيف تحلوها كنكم تحلوها بالاختبار الحقيقي وكمان ركزوا على تجميعات الحوت وراجعوها قبل اختباركم.

بالنسبة لقسم الإنجليزي ما احتجت اذاكر حاجة لكن أتوقع فارس عنده دورة لهذا القسم كمان ماجربتها بس ممكن تفيدكم. نصيحتي انا للقسم هذا إن تذاكروا للايلتس مرة وحدة (لو كان عندكم وقت) عشان يسهل عليكم الايلتس كمان لما تنقبلوا في أرامكو ان شاء الله.

وبيوم الاختبار راجعت تجميعات الحوت المشروحة عند فارس بس وماشتت نفسي بأشياء ثانية، اختباري كان اول يوم للاختبارات فكان توتر مرة بس اقرأوا اذاكركم قبلها وروقوا.

وقت الاختبار كان طويل مرة افتكر والأسئلة كان فيه منها سهلة (يعني أشياء افتكر حليتها بالتجميعات) وفيه كان أسئلة شوي صعبة بس يعني تقدروا تحلوها لو ذاكرتوا كويس بس تأخذ وقت لين تفكروا بطريقة حل وفيه أسئلة خمنتها لان كان صداع مرة وكانت من الأسئلة الصعبة. قسم الإنجليزي كان مرة سهل على كلام كثير بس لكل شخص رأي.

بعد ماخلصت الاختبار نسيت عنه وكملت اشتغل لخياراتي الثانية والحمدلله انقبلت بالنهاية والله يوفقكم كلكم.

السلام عليكم أنا ميار ادرس هندسة ميكانيكية في جامعة مانشستر

بدأت ادرس قبل الاختبار ب٣ أسابيع بالنسبة ليا كان وقت كافي أراجع الأشياء المهمه و الي ما قد مرت عليا. دورة فارس اختصرت كل شيء و كانت جودة المقاطع/الملفات عاليه صراحه ما درست غيرها مع اني كنت داخله دوره ثانيه بس كان فيها مصادر كثيرة لدرجة اني ما عرفت من فين ابدأ بدأت احل الأسئلة الي كانت موجودة في أقسام المراجعة (مره مهم تكونوا فاهمينها فلو مستواكم ضعيف شوفوا المقاطع) بعدين ما كان في وقت اشوف كل المقاطع فصرت احل الملفات و الي ما اعرف له ارجع اشوف شرح الدرس. ركزت على الدروس الي كان حاط عليها (!) و اغلب الاختبار كان منها زي الtrigonometric functions تقريبا ٤٠٪ من الاختبار

جات اسأله كثيرة عن circles and sequences

الاسئلة كانت مباشره بس لو ما تعرف القوانين ما بتقدر تحل و تعتبر اسهل من الملفات و بنفس مستوى الحوت

صراحة احس الملفات فادتني اكثر لانه طور مستواي فصرت اشوف الاختبار سهل و قبل يوم اختباري بكم حليت تجميعات الحوت

بالنسبة لقسم الإنجليزي كنت في مدرسه عالميه فما درست لكن يعتبر مره اسهل من الايلتس

الاسئلة كانت سهلة و اعتقد جاء من التجميعات بس اهم شي أنكم تفهموا وقت الدراسه مو تحفظوا لأنكم ما بتستفيدوا بذات في ال passages

القسم الثالث كان غريب، مقسم ٣ اجزاء حق الانجلش كان سهل بس بعدين صارت اسئلة عن patterns جاء نفس نوع الاسئله الموجوده في المقاطع بس كانت تبدأ سهله و كل شوي تصعب صراحه في النهايه صرت احط اي شيء و خلاص اختباري كان في أول يوم و جاني القبول الحمدلله بعدها ب 12 يوم

الله يوفقكم ويسهل امركم

انا اشتركت في دورة فارس عشان الرياضيات لاني حمدلله مستواي كويس بالانقليزي من اول وانا اعتقد هذا الفاصل الحقيقي بالقبول.

طبعا ما ذاكرت ولا شي في الرياضيات غير اللي في دورتك وحرفيا نفس افكار الاختبار بالضبط، ما اذكر فيه سوال واحد طلع عن الافكار الموجوده. غير نقطة الافكار، شرحك كان ممتاز وسهل الفهم ما شاء الله، الله لا يضرك ويسعدك.

بعد الاختبار كنت اناظر في الناس واسمع اراءهم (لا تحسبني نشبة ما سالتهم، هم يتكلمون) الجميع قال ان الاختبار صعب وتعجيزي ولولا الله ثم دورتك كان اتفقت بس بالنسبة لي كان الاختبار سهل وهذا كله بفضل الله ثم انت. وانقبلت الحمدلله في الCPP

السلام عليكم ورحمة الله وبركاته، أنا من أحد الطلاب المشتركين في دورة فارس، ولله الحمد الآن أنا مقبولة سبب و ادرس في الظهران تحضيري.

بداية رحلتي كنت محتارة جدا من حيث مصدر المذاكرة كان في اكثر من مصدر وأكثر من طريقة لكن أنا اخترت الطريقة الي هي الاريح واللي أشوفها أنا الانسب واللي هي طريقة فارس، طريقة فارس جدا سهلة مفيدة هو يعرض لك المفهوم ويدربك عليها لاحقا في كل درس.

أنا كنت مشتركة دورة الرياضيات والإنجليزي وكانوا الاثنين مرة مفيدين وجاء كثير منهم في الاختبار لكن الشيء اللي جدا جدا مفيد و استفدت منه الي هو الماث. المتعارف على الماث في اختبار القبول انه جدا صعب لكن والله مع تدريبات الي بعد كل درس رح تكون مختم الاختبار و جاهز لكل الاسئله.

و الاسئله الي بعد الدروس مو سهله بالعكس جدا صعبه. واللي حبيته بدوره فارس انه يدربك على ١٥٠٪ عشان تجيب ١٠٠٪ في الاختبار.

و غير كذا ماث اول ترم في السبب جاني نسخ لصق دوره فارس و سهلي جدا جدا جدا الترم فركزو عليه.

انا محمد مقبول CPP دفعة العام وانا كنت اعاني من الرياضيات بشكل عام خاصة الدوال المثلثية ودروس الرياضيات اللي لها بعلاقة باختبار ارامكو

وكنت مستثقل الدراسة لانه صعبة بالنسبالي و لانه كان الوقت جدا ضيق جدا خاصة انه كان عندي اختبارات والتحصيلي واختبار الcpp بس الحمدلله اني دخلت عند دورة فارس ومشيت على جدول شهر اللي حاطه لنا

وصراحة مع الدورة الرياضيات صارت سهلة الحمدلله. كنت احل الاسئلة اللي حاطها وتابعت الدروس كاملة والحمدلله اختبرت وطلعت من الاختبار وانا مطمن من اجوبتي. وفي النهاية انقبلت في ابتعاث أرامكو ولله الحمد. الحين انا في التحضيري ولولا الله ثم دورة فارس ما انقبلت.

عرفت دورة فارس من اختي ودخلتها الكورس ساعدني اكثر شي في جزئية الماث وأنا شخصياً كنت محتاجة مساعدة كبيرة في الكالك.

الكورس كان شامل جدًا، خصوصا الشروحات قدرت افهم منها كل شي في المواضيع اللي احتجت اشتغل عليها، ومع قروبات السئلة والاجوبة برضو فادني في الفهم.

مع اني كنت مضغوطة في الوقت، لكن مع الدورة قدرت اكون جاهزة قبل الاختبار

بفضل الله ثم محتوى الكورس قدرت اتدرب للاختبار وانقبلت في النهاية

الله يعطيه العافية فارس ما قصر فكني من ازمة وقتها